Tempung Ngenyan Ngen Semanten (Prosesi Pernikahan dan Pemberian amanat ke Pengantin cara adat Rejang)

Posted by D.tutandi Indra ( Andy )
Radio Four 106’7 Curup

Ngenyan ngen penganten Mikeak ngen melei fetweak

Sebelum agama islam masuk kedaerah tanah rejang,peresmian pernikahan sebagaiberikut:
Untuk melaksanakan pernikahan (kemtuk) terlebih dahulu oleh alim pedito atau dukun (gustei/piawang) memperhitungkan menurut secara kuno hari baik, bulan baik, baru dapat di laksanakan peresmian.Pada hari peresmiannya piawang berdiri diatas tangga menghadap ke halaman, kedua penganten tegak tehadapan gustei,juga menghadap ke halaman,kedua orang tua penganten berdiri kiri kanan.persiapan alat-alatnya berada di sebelah gustei.(beras kunyit,air dalam bambu,jeruk nipis,setawar sedingin,rotan panjang 2 meter,induk ayam lagi sedang mengeram,telur ayam sebiji,petik,bakul siri adat,perasapan mengembul asapnya,kain tenun selembar.Dihalaman tegak berdiri tua-tua,sanak famili,bujang gadis,cerdik pandai alim pedito, laki-laki perempuan menghadap ketempat kedua penganten.Piawang mulai membakar kemenyan serta mantra-manteranya,dengan didahului menceritakan asal usul manusia sejak dari nabi adam dan hawa sampai turun ke bumi,menguraikan pula soal-soal adat lembaga.

Dukun/ piawang muloi mbigo menepung, si kemeliak ketekeracok dik ade, jibeak sapei kuang. Amen si sisip lak nadeak, amen si kuang lak si tanembeak. Amen bik genep, mako piawang/ dukun tempung semanten ngen ngenyan, cakto ne:

• 1. Muloi mengecek minai redho Allah Subhanawata’ala, kerno lak tempung semanten ngen ngenyan.
• 2. Mbem kemnyen madeak keturuak magea pengetuwai, magea arwah guau. Magea walei semilan Diwo 7 (tojoak), madeak keturuak magea mulo jijai, lajeu kulo madeak/ jemuriak baso neak lem menok medeu yo nano. Adat ca’o ne ade; iben, bungai, punjung monok bi’ing. Wakteu mbem kemnyen o lajeu ba si masep langea, masep setabea. Asep kemnyen nelayang, belas kenunik nambua, ngut sudo kecek ne.
• 3. Amen mbem kemnyen bik sudo, lajeu ba dukun/ piawang madeak kecek menepung sa’ei ne:

BISMILLAHIRROHMANIRRAHIM
ASSALAMU’ALAIKUM WARRAHMATULLAHI WABARAKATUH

TEPUNG SETABIK NGEN BUMAI LENGET,
SETABIK NGEN LUWENG KELMEN,
SETABIK NGEN MULO JIJAI,
SETABIK NGEN TANEAK TANAI,
SETABIK NGEN DIWO TOJOAK WALEI SEMILAN,
SETABIK NGEN PESIREAK ULAU LUREAK,
SETABIK NGEN KUTAI SADEI YO,
BILAI YO BILAI BETUWEAK BAIK BULEN,
KUMU DEW YO KEMLEAK TITIK DUWAI YO JE BESANDING MADEP ITE.

Eeeeee………
KE SO KEMIPI SETAWAR,
SETEPUNG DIWO KUNDEI LENGET SELIBAR PAYUNG,
TEPUNG DUATE SERAPANG REMAS,
TEPUNG DIWO SERAMBUT PANJANG,
TEPUNG DIWO SETANGGAI PANJANG,
TEPUNG DUATE SERAMBUT REMAS,
KUSA KUNDEI BINGIN KUNING SUSANG,
TEPUNG DIWO NUMBELAS TALEN,
TEPUNG DIWO MATAI BILAI,
TEKO TEMPUNG.
KEDUWAI SEMATEN NGEN NGENYAN,
UDI SEMATEN NGEN NGENYAN BARAT SPINDE KACI,
PUTIAK TE’US BEPATIK ATI,
IJO KUNING AGAI NE NATI,
MILEAK MELEU ATI NEAK DI.

ANJUK ALANG SERTO MANAT,
LEPOK KU AGAI PEGONG KEDONG BILAI,
LEPOK KU PATIK DALEN MOI BAIK,
UNJUK JANJAI TENEGOK SUPEAK SEMAYO MEKET LAHIR BATIN JANJAI IDUP SEMATEI,
SETIO MBEAK BUBEAK,
BELEKET MBEAK MAEP BELEK,
NIKEAK MBEAK MAIN-MAIN,
GONG MANAT JIBEAK MUKER JANJAI SEMAYO BESAMO,
BAIK ADEP,
SA’O BASO,
TITIK NUSIK,
LAI NBASO DE TUAI NEGO.

KE DUWAI,
LOK BA DE KLOK DE KELALOK,
DEPEMICANG DE PEMANEW,
DEKEMBUK DEPEMANGEN,
TEGO SAMO MEDAKI,
MENUNGAS SAMO-SAMO TIMBOA,
TENDEM SAMO-SAMO TEBENEI APAI,
MONOT SAMO-SAMO MUSUNG,
PICANG SAMO JA’ANG,
MELUPAT SAMO KE’UAK,
MENGINDOI SAMO-SAMO SESET,
TAWAI SAMO-SAMO TEKARAK

KE TELAU,
LOK BA UDI NAMEN TAI UJEN PENES PEMAIN BILAI,
SENANG PESET PEMBIN IDUP,
ANGIN NGEN UMBOK PEMBIN LAUT,
LOK BA NAMEN TAI TANGIS IDUP NGEN TANGIS MATEI,
LOK BA NAMEN TAI BIDUK KEMUDAI DUWAI,
LOK BA NAMEN TAI LAI PASOK KUNDEI TIANG,
LOK BA NAMEN TAI TAJAI BEKENEK,
BIYOA MATAI TUUN,
LOK BA NAMEN TAI TEMPOK BIYOA NAK DULANG,
LOK BA NAMEN TAI LENGAN TANGEN,
JELAS PEMICANG,
LOK BA NAMEN TAI TIDUA NEAK KASUA LISEAK,
TIDUA NEAK KLAK POONG,
LOK BA NAMEN SEBNEK BNEK MATAI MANDANG BNEK KUNDEI BAU MUSUNG.

KE PAT,
MBEAK MECUT KUDO MENGACAP,
MBEAK SMILAI LAUT,
MBEAK CEMICIK GEROMBONG TEDUNG,
MBEAK KEMAIT PAING DIK AKO,
MBEAK BEPANEU LUWEA DALEN,
MBEAK BESULUAK TEKELAT TEI,
MBEAK BETANEM SOA TEMBANG BANIA,
MBEAK MUKUS TELAN NGEN DAWEN,
MBEAK MENGIKAK NGEN TIKUS MBEM TUOA,
MBEAK UMEAK TIGING TEMTOK TIANG.

KE LEMO,
MBEAK UDI TEMTOK TILAI PENAN BEGATUNG,
MBEAK KEMAPOK DAN TENINGIA,
REMBOK GABOK MBEAK UDI MATIAK,
RAMBOK GETTING UDI MUTUS SEMBEAK,
BUK NICIK TUJUAK TENINGGEA KUNE GEN DALEN UDI MENGULANG APEI.

KE ENUM,
DIO UNJUK KU,
PETUWEAK SERTO MANAT,
UNJUK KU SULUAK PEMANEU KELMEN,
UNJUK KU SENYATAI PEGONG KEDONG BILAI,
UNJUK KU PETUWEAK MBEAK SALEAK LAKEAK,
UNJUK MANAT BAGAI SERIAT.

KE TUJUAK,
KUTE ITE SEDAYO DIK RAPEK,
JANO IGAI DIK TUWAI BIK DAU NIDEP NGEN PENGELIAK,
KALAU MBEAK ADE KEDONG BILAI ITE TEDENONG TEKELIAK ADE DIK RUCUAK,
MBEAK MUJO EKET NE PUTUS PENGA ‘ANG,
RENYENG NE COA SUDO SU’ ANG,
AMEN ADE BIDUK NE KELBAU,
MBEAK MUNYAU,
RENYENG NE COA SUDO SU ‘ANG,
BIDUK COA NAM KELBAU DETOK-DETOK.

KE DELAPEN,
AMEN ADE KEDONG BILAI MUPOK UDI KEDUWAI SEMATEN,
TELANGGEA PETIK SALEAK SU’ANG,
KAGEA GACANG SADO DIK TUWAI,
KINO LANGIA NGEN IDAU JAPAI.

MAAF KUTE SEDAYO DIK RAPEK, UKU PELON PENYAYO SADO DIK TUWAI,
SERTO SEMAPEI PENGINGET KUNDEI PENGETUWAI,
MULO JIJAI,
NGEN KEPIUAK KEPITING NE,
KESUMBING MBAR UJUNG ASEP,
ROYOT UJUNG TILAI,
SINDANG UJUNG PAKOA,
MLANG JIJAI ANOK UBET ATEI……

ALHAMDULILLAHIRABBIL ‘ALAMIN……….
WASSALAMU’ALAIKUM WARRAHMATULLAHI WABARAKATUH

Setelah prosesi wejangan menepung,piawang meminta kepada orang tua dan sanak famili dari pengantin pria serta wanita untuk melangir dan setelah itu setawar sedingin sebagai penutup dari prosesi tersebut.

Sumber :
• Buku Ireak Ca’o Kutei Jang 2004,Kadirman .SH
• Buku Asal mula Adat Bimbang di Tanah Rejang1954.A.Sani