weblogUpdates.ping Taneak Jang, Rejang Land, Tanah Rejang http://rejang-lebong.blogspot.com Taneak Jang, Rejang land, Tanah Rejang: Cao Matur Hok Waris Neak Lem Kutai jang

Cao Matur Hok Waris Neak Lem Kutai jang

·



Cao Matur Hok Waris Neak Lem Kutai jang

Amen ite madeak alua adat de matur hok waris de ade neak sukau jang mako ite bepegong magea ukum waris de biaso nakei ninik puyang menao,. Tapi maso ninik puyang menao seluyen si bepedoman magea agamo, ade kulo ukum waris de nakei kunei maso ayok masukne agamo moi taneak jang do’o genne ukum waris neak lem adat . Ade telau mecem de biaso nakei tun jang, pertamo ukum waris de bisudo natur neak lem islam. Keduai ukum waris denatur neak lem adat, sudo o ukum waris ke telau ukum waris de ade neak lem agamo ngen de ade neak lem adat de biaso nakei kunei ninik puyang mena’o. mako ne ade ukum madeak, ukum besening magea sarak, sarak besening ngen kitabullah.

Neak lem beumeak tangho tun jang, baik de bi ade anok io kulo de ati gen anok, paset amen ade de ningea antaro kuwa’i (tiak. Inok. Ninik, Sebei) io kulo amen bece’ei cigai nam milok igai murus alua hok waris. Amen bi kmecek alua hok waris, tun jang kulo ade cao matur ne, dio kait ngen hok warisan de begerok ngen coa begerok.

Ade duai mecem hok waris de tekadeak neak sukau jang pertamo ade genne hok surang, keduai ade genne hok swarang. Cao matur keduai hok waris yo nano ade ba bareak yo: hok surang nyo ade ba hok de begerok baik de coa begerok de bi ade dute ayok keduai ne nikeak, baik hok kunei kepeak semanei baik kulo hok kepeak selawei, hok yo nano ade kulo duai mecem, hok nelei tun tuai ngen hok asea dewek semaso ayok nikeak. Sudo o ade genne hok swarang, hok swarang nyo adeba hok / asea besamo sesudo nikeak, sudo o kulo amen ade hok/asea semaso ati nikeak do’ o ijai hok besamo amen sudo nikeak atau beumeak tanhgo. Umpamone amen ade saweak ngen kebun semaso ati nikeak do’o masiak hok surang, sudo o keduai ne kulo gemarap sesamo mako aseane ijai hok swarang..........







0 comments:

Rejang Land Pal

Support by